لا ينكتم خاطرك لا جاك ضيف اللَّه … الفرق في الطيب اللي يفل حجانه والخامسة صن خويك من خطأ المخطئ … يمشي ويا من معك من غدر عدوانه ومنك التسامح معه لا سار في زله … يجب عليك الخوي قدره ورضوانه والسادسة لا تحسسا كل ما فاتك … ما فات فايت وعند الرب عقلانه ما كتب لك يا فتي ملزوم يأتي لك … ما حدا يحوشه بقو العزم وسأنه والسابعة لا تجالس من نسي دينه … من جالسه ما يحصل غير خذلانه حذارك حذارك لا تأتي جليس له … ترضي لقدرك بتنزيله وحقرانه والثامنة كل عفن لا تعرف به … ترى معرفة ردي الناس خسرانه ترى الردي ما يسرك حين تحتاجه … وتصبح معرفتك عنده مالها خانه والتاسعة كلمة المنقود جنبها … الرجل ينقد لمنه زل بلسانه والكذب ينقص مقام الرجل ويعيبه … لا قال قولا ولا يدري بمحيانه وأيضًا النميمة ترى نقالها خاسر … نقالها جنبه لا تجلس وزانه يجيب هرج وهو ما قيل ويقوله … ويحط تشويش بين الرجل واخوانه يقول كلاما وهو ما ينظر حسابه … كبده على كلمة البهتان ظميانه ومن يشهد الزور خاب وخائب حظه … يرضى على حظه بظلمه وبهتانه ومع ردي حظه وطغيانه نسى دينه … ويشهد الزور مع ظلمه وطغيانه هذا وبوصيك خف ربك وراقب له … ومن خاف ربه جزاه اللَّه بإحسانه يوم القيامة يأخذ بيمينه كتابه … منزل نعيم ويسكن بارد جنانه والرجل ما يرث العوجاء على ربعه … لابد من ساعة تلفي بفقدانه ربعك تراهم عضودك درعك الضافي … والطير ما ينتهض من دون جنحانه الرجل ما يرمي بشره على لادني … ما جوب شر الفتى قدام عدوانه وأيضًا المراجل عليها النفس عزمها … النفس خلها على الجودات شرهانه وملا يهوم المراجل ما يحصلها … وملا يغوص البحر ما حصل الدانه والجود تلقاه يا الطيب مع الطيب … مع واحد ناسبه خاله وعمانه من طيب ساسه يكون الطيب طبع له … المجد له عادة من طبع جدانه ولا يغرك بعض الأزوال بهدومه … وتنغر من منظره ومنطق السانه تقول أبو زيد ولا ذياب بن غانم … وإذا عرفته ردي ساس جدرانه