طار العقاب تشقلبن بالتفاتي … وطالع وراء هكران طرش ومغاتير وصحنا على ابن حميد هرج ثباتي … ترجيعة وحلو خز المعاشير وهذا جزى اللي ما صخى بالزكاتي … تل المهار معسكرات المسامير ورجنا وربعننا بزين الفلاتي … ليا ما قدنا حشو البرود الاباهير وتشاملن لديار اهلهن متكاتفاتي … وجينا فراقين تحدر من النير صفقٍ بوفقٍ جيب طرش الحفاتي … ورجنا على عيلاتهم والمظاهير وابن نصار شاعر متمكن سجل بقصائده أخبار الغزوات التي حدثت في وقته، والتي كان هو شاهدها وقصيدته السابقة برواية سليمان بن دحيم الشبرمي. (و) حسن بن طليحان: وللشاعر حسن بن طليحان الشمري قصيدة يذكر فيها أهل المضافات في قفار والبلدان المتفرعة عنها، يقول حسن: جينا مسايير على ابن لحيدان … نبي نشوف اللي تشرف خباره عمار يادار بها ابن لحيدان … ما كر صقور من نوادر حراره بني تميم بالفضايل لهم شان … مكارم الأخلاق دايم شعاره رمز الكرم والجود ياوي عنوان … مفاخر الأجواد عز ووقاره ابن لحيدان على الطيب شفقان … عشير ضيفه والمسير وجاره له مجلس دايم من الغوش مليان … شباب نار يعطي البن كاره والمدح بالطيب دليل وبرهان … واللي تجر بالطيب نعم التجارة ما همته دنياه زايد ونقصان … مقدم قرومٍ ما يهاب الخساره وراعي قفار بالمكارم وعثمان … منارة بالطيب نعم المناره وراع القصر والبرمي وابن عفنان … لا سولفوا بالطيب نسمع خباره ومع الهذيلي والهيافا ابن حمدان … ولا قال من قوم الا خياره واخو شما الهريش ساس له اركان … زبن الضهيد اللي بحاله غياره وبني تميم عموم من غير حقران … معادن بالطيب تأتي خباره