اوي واللَّه دلة يا بن مجحود … في سرحة دوحا وظل برادي هلها ثلاثة ما نبي غيرهم زود … واللي يسويها نظيف سدادي صبه لمن يروي شبا مقدم العود … إلى دبرت صم الرمك للعوادي وإلا لمن يطمر ليا جات وبود … عقيرته تقزي نهار الطرادي اللي ليا من دبر الجيش عرجود … يفتك تاليها بضرب ركادي وصبه لمن يثني ليا جاه مظهود … دون ابن عمه ما رضا بالزهادي وصبه لمن يومي لهل ضمر قود … تلقا لها قدام بيته مرادي وباقي العرب خله ولا فيه منقود … هذارة المجلس حمير السمادي وقال: واللَّه يا لو كيفية بعض الامرار … يا خالي انه ما بقا إلا قليله لا ضماق صدري قلت شبوا لي النار … حطوا حطب رمثن جرومه جليله دنوا ثلاث ما بها أجوا ولا هجار … ونجر يصوت للنشامى عويله ولا يقهوي كون ثنتين اضوار … والثالثة قد هي عليهن نفيله الاوله مرسوم والثانية كار … والثالثة للي خطاهم طويله لا جوك زمل عقيل نقالة الكار … اللي يشيلون الحمول الثقيله عده لمنهو للمواجيب صبار … صبارة لا كان الأشيا قليله وان اقبلت كنها عوارين سنجار … ثم ناطحة هاذي وذي مستحيله يروون في مركاضهم كل قنطار … وينسمون الجاذية بالدبيله وقال في القهوة: واللَّه ما استانس وينساح بللي … ألا لياما أوحيت صكت فحلها يدرج لحيران النياق الغوالي … من بينهم والظو تذعر قبلها والربع يا مدغش ربوع رجالي … والسالفة لا جات ما أحد شقلها وترى السوالف يا ذهان الرجالي … تسمج اليا عرضت على غير أهلها لا جاك خطوى زندلي أزدالي … قولوله أمثاله بعد منه ولها ترى الردي ما يعجبك في كل حالي … وأن قابل الكبد العذيه دبلها خله لعله مظلمات الليالي … ونفسه عسى ربي يعجل بأجلها